उत्तरप्रदेश, ८ सामन । भारतकी नवनिर्वाचित राष्ट्रपति महामहिम द्रोपती मुर्मू की खुशिमे चन्दन चौकिमे प्रधान संघ द्वारा बधाई शुभकामना दइरहएँ । बधाइ कार्यक्रम भारतीय जनता पाटीके जिला अध्यक्ष सुतिल सिहके प्रमुख अतिथ्यमे भओरहए । उत्तरप्रदेश लखिमपुर खिरी थारु क्षेत्रसे प्रतिनिधित्व करनबाले प्रधान संघके आयोजनामे कार्यक्रम सम्पन्न भओहए ।

द्राेपती मुर्मू एक भारतीय राजनीतिज्ञ तथा भारतकी नवनिर्वाचित राष्ट्रपति हए। बे भारतीय जनता पार्टी की सदस्य रहेचुकी हए । अनुसूचित जनजातीसे भारतकी राष्ट्रपतिमे निर्वाचित होनबाली पहिली व्यक्ति औ प्रतिभा पाटिलपच्छु जा पदमे बैठनबाली दुसरी महिला हए । मुर्मू सन् १९४७ मे भारतकी स्वतन्त्रतापच्छु जन्मके राष्ट्रपति पदमे निर्वाचित बनी पहिली व्यक्ति हए ।

कार्यक्रममे उत्तरप्रदेश लखिमपुर खिरी जिला औ क्षेत्रके नेतागणकी उपथिती रहए । कार्यक्रममे थारु संस्कृतीकी प्रदर्शन औ विद्यार्थी भाइबहीनियाँ अपन प्रतिभा दिखाइ रहएँ ।