धनगढी ५ असार : सुदूरपश्चिम प्रदेश सरकार स्थानीय तहके देनबाराे अनुदान घटाइ हए । आकार बढाएके बजेट लाइ पर प्रदेश सरकार अन्तर सरकारी हस्तान्तरणसे स्थानीय तहके देनबाराे अनुदान घटाइ हए ।

असार १ गते प्रदेशसभामे आर्थिक मामिला मन्त्री प्रकाश रावल आगामी आर्थिक वर्ष २०७९/०८० के ताँही ३६ अर्ब ७४ करोड ६४ लाख ६५ हजारके बजेट प्रस्तुत करिहए । अन्तर सरकारी हस्तान्तरणसे प्रदेशके ८८ स्थानीय तहके ताँही एक अर्ब ३६ करोड ४० लाख बजेट विनियोजन करिहए ।

चालु आर्थिक वर्षके ताँही प्रदेश सरकार एक अर्ब ७२ करोड ४५ लाख रुपैयाँ विनियोजन करिहए । प्रदेश सरकार स्थानीय तहके समानिकरण, विशेष औ समपुरक अनुदान इक्लाे देत आए हए । कानूनमे स्थानीय तहके प्रदेश सरकार सशर्त अनुदान देन उल्लेख करि तहु फिर सुदुरपश्चिम सरकार अभए तक बाे अनुदानके ताँहि बजेट विनियोजन करि नहएँ ।

उपमहानगरसे नगरपालिकामे जधा अनुदान सुदूरपश्चिम प्रदेश सरकारक आगामी आर्थिक वर्षमे सबसे जधा कैलालीक घोडाघोडी नगरपालिकाके अनुदान दैइ हए। अन्तर सरकारी हस्तान्तरणसे घोडाघोडी नगरपालिकाके ३ करोड ६७ लाख २६ हजार बजेट विनियोजन करिहए ।

प्रदेशमे एकमात्र उपमहानगरपालिका धनगढीके ताँहि घोडाघोडीसे ४४ लाख कम बजेट विनियोजन करिहए । प्रदेश सरकार धनगढी उपमहानगरपालिकाके आगामी आर्थिक वर्षमे ३ करोड २३ लाख ४५ हजार अनुदान दैइ हएँ। प्रदेश सरकार सबसे जधा कम अनुदान डोटीके पुर्र्वीचौकी गाउँपालिकाके ताँहि विनियोजन करिहए । बाे गाउँपालिकाके प्रदेश सरकारसे ६७ लाख ६१ हजार बजेट इक्लाेे दैइहएँ