धनगढी ,१४ वैशाख । वैशाख ३० गते हुन बअेा स्थानीय तह निर्वाचनमे सुरक्षा प्रयाेजनके ताँनि सुदूरपश्चिममे दश हजारसे जधा म्यादी प्रहरी परिचालन करिहए। सरकर अभैइ भर्ना करिहए म्यादी प्रहरी ४० दिनके ताँनि परिचालन करिहए । हिन के नाै जिल्लासे दश हजार एक सय ६१ जना म्यादी प्रहरीमे परिचाल करिहए सुदूरपश्चिम प्रदेश मे प्रहरी कार्यालय धनगढी बातइ हए।प्रदेशमे म्यादी प्रहरीके ताँहि २९ हजार ७१४ जना आवेदन दैइहए।
अइसियए प्रहरी प्रधान कार्यालयके अनुसार सातै प्रदेशमे ९९ हजार ९९३ जना म्यादी प्रहरी निर्वाचन सुरक्षाके ताँहि खटाइ हए । नेपाल प्रहरी १लाख म्यादी प्रहरी भर्नाके ताँहि दरखास्त करिहए।
म्यादी प्रहरी २०७८ चैत २७ मे नियुक्ति पत्र लाइहए।स्थानीय तह निर्वाचन पूरा भअेा हए ७ दिन पछु से म्यादीके सुरक्षा देहए करके प्रहरीकी याेजना हए । ४० दिनके ताँहि भर्ना भए म्यादी प्रहरीके प्रहरी जवानसरह तलब अउ रासन बापत थप ७ हजार रूपैयाँ पाएहए ।
चुनावमे खटे म्यादी ४० दिन काम अउ ३० हजार २८० रूपैयाँ तलब पएहए । रासन बापत उनके ७हजार उपलब्ध करेहए कार्याविधि तयार करिहए