नन्दलाल राना/ धनगढी,६ चैत ।

नेपाल रानाथारु समाज कैलाली जिल्ला कार्यसमितीसे होरी मिलन कार्यक्रम सम्पन्न भौ हए । कार्यक्रमके बडे पहुना पुर्व वन तथा वातावरण मन्त्री माननिय नारदमुनि राना रहएँ । बे कहि “अभय देशमे सरकार हए कहिके जनताके अनुभुति नाहुइरहो हए । स्थानिय निर्वाचनको घोषणा करदैए पर परमादेशी सरकारके मनमे अभय फिर संका हए । अभय गठबन्धन विच उमेदवारीमे बात नमिपाइहए तहिकमारे चुनाब करामय कि दुइधारे बात हुइरहि हए बताइ माननिय राना । रानाथारुको पहिचान करानबालो संस्था नेपाल रानाथारु समाज हए जक अग्गु बढान आप्न सबको काम हए । कैलाली, कञ्चनपुरमे बैठनबाले सब जनि मिले एक ढिक्का बन्ने एक जुट हुइके लागन पडो वताई ।”

कार्यक्रमके विश्ष्टि पहुना नेपाल रानाथारु समाजके केन्द्रिय उपाध्यक्ष कमल सिंह राना रहएँ । रानाथारुको कार्यक्रममे समान नेता, समाजके अगुवा ना आएदेत हएँ । पच्छु जाइके बात काटत हौ कहात हए । तओ मिर उनसे प्रश्न हए नेपाल रानाथारु समाज का गल्ति करिहएँ । रानाथारुके सुचिकृत करादए तहिक मारे कार्यक्रममे उपस्थित नहूयदेत हए । अभय तक जिल्ला अधिवेशन नकरापइ कहिके अरोप लगात हए जब अधिवेशनके ताँहि बुलात हएँ तओ उपस्थित नहुदेत हए ।

कार्यक्रममे केन्द्रिय कोषाध्यक्ष कन्दकला राना,सचिब चन्द्रकिरण राना, मनेहरा सामुदायिक वन उपभोक्ता समुहके अध्यक्ष मोति राना , देवहरिया समुदायिक वनके अध्यक्ष शारदा प्रशाद राना , नेपाल रानाथारु समाजके पुर्व उपाध्यक्ष शिव राज राना लगायत केन्द्रिय नेता तथा गाउके भलमन्सा कार्यक्रमको सफलताको शुभकामना दइरहएँ ।

कार्यक्रम कैलाली जिल्ला अध्यक्ष लाल बहादुर रानाके सभापतित्वमे होरी मिलन कार्यक्रम सम्पन्न कार्यक्रमके स्वागत मन्तव्य जिल्ला उपाध्यक्ष पृथ्वीराम राना करिरहएँ कहेसे कार्यक्रमके सचिब गया प्रसाद राना और रानाथारु कलाकार समाजकी अध्यक्ष श्रीसा राना संचालन करिरहएँ । कार्यक्रममे बहुत गावकी होरीकी प्रस्तुती दिखाइ रहएँ ।