पुर्नवास, १६ कातिक । कञ्चनपुर, पुनरवास नगर पालिका स्तरिया रानाथारु उत्थान समन्वय मञ्चकी आयोजनामे रानाथारुक दुसरो वडो तिउहमर दिवारीक उपलक्ष्यमे शुभकामना आदन प्रदान तथा राष्ट्रिय जनगणना २०७८ सम्बन्धि प्रशिक्षण कार्यक्रम हुवैया हए ।
कार्यक्रम धरनको खास उद्देश्य विगत बर्षेको जनगणनामे रानाथारुको अपनो कल्सटर छुटो रहए अभय तक रानाथारु ‘थारु’मे गणना होत आतरहए पर २०७६ सालमे नेपाल सरकार रानाथारुके अलग जातिमे सुचिकृत करदैइ हए । तबहिक मारे अब होनबालो जनगण २०७८मे पहिलो बार रानाथारुको जनगणना होन जाएरहो हए ।
तबहिक मारे जनगणना सम्बन्धि बहुत अदमिकनके कनफियुज हुइसकत हए । जा से हमर संख्या लगायत तमान चीजमे असर पडैगो तबहिक मारे पुनरवास नगरपालिका भितर बाह्रा गाउके भलमन्सा गाउके अगुवा और जनगणनाके ताँहि सटलिस्टमे नाम भए गणकनके बुलाएके प्रशिक्ष देनताँहि कार्यक्रम आयोजना करोगाओ हए कहिके जानकारी दइहए संस्थाके सचिब तिर्थराज राना ।
कार्यक्रममे कैलाली और कञ्चनपुरमे बैठनबारे दादाभइया दिदीबहिनियाँ जहे न्युजके खबर मानके उपस्थित हुइदेनके ताँहि सबयमे हार्दिक अनुरोध हए । कार्यक्रम रानाथारु कचेहरी भवनको सभाहल पुर्नवास १० विकास बस्ती कञ्चनपुरमे हुवैया हए ।