निबा राना/ कैलारी,२१ बैशाख । कैलारीमे महिला और अपाङता भए आदमिन्नके उद्यमशिलता मार्फत आर्थिक शसक्तीकरण नीति बन्न ताँही महिला और अपाङता भए आदमिके देखन्रकाे नजर फरक हाेत कैलाली गाउँपालिकाके अध्यक्ष राजसमझ चौधरी बताइ।
कैलारी गाउँपालिकाके आयोजनामे दिगो विकास समाज भजनी औ वल्र्ड भिजन इन्टरनेशनल नेपालके आर्थिक और प्राविधिक सहयोगमे ‘महिला और आप्रवासीको आर्थिक पुन.स्थापना परियोजना’ अन्तरगत विफेक हसुलियामे भओ महिला और अपाङता भए आदमिन्नके उद्यमशिलता मार्फत आर्थिक शसक्तीकरण नीतिके मरियाद उप्पर छलफल कार्यक्रममे बे बताइ।
बे कहि, ‘हमार पालिकामे महिला और अपाङता भए आदमिके उद्यमशिलता मार्फत आर्थिक शसक्तीकरण नीतिके मरियादमे तयार हाेत करके बिन्रके उद्यमशिलता मार्फत आर्थिक शसक्तीकरणके सगए पालिका सबदिन अगु बढाए।’ महिला और अपाङता भए आदमि फिर अछे आदमि हानि काम करसके,उनके फिर अवसर देमाए उनके अगु बढाए अध्यक्ष बताइ।
कैलारी गाउँपालिकामे तयार भओ महिला और अपाङता भए आदमिके उद्यमशिलता मार्फत आर्थिक शसक्तीकरण नीतिके मरियदा उप्पर जनप्रतिनिधि, सम्बन्धित शाखा प्रमुख और प्रतिनिधि, महिला उद्यमी संजाल, कृषि व्यावसायिक सेवा प्रदायक संजाल, अपाङता भए आदमिके संजालविच समुहगत छलफल करि रहए।
समुहगत छलफलसे विशेष महिलान्नके अनुदान व्यवस्था करन पड्न्न, सार्वजनिक भवन अपाङगता मैत्रीन्रके, क, ख वर्गके महिला और अपाङगता भए आदमिक व्यवसाय करके नहुइसे फिर उनके परिवारमे प्रोत्साहन करनके लगायत तमान सुझाव दैइ रहए।
दिगो विकास समाज भजनीके अध्यक्ष रामबहादुर सुनार महिला और अपाङता भए आदमिके उद्यमशिलता मार्फत आर्थिक शसक्तीकरण नीति कार्यान्वयन करन जरुरी हए करके बताइ। कार्यक्रममे दिगो विकास समाजके महिला और आप्रवासीको आर्थिक पुनस्थापना परियोजना रतन विक, वल्र्ड भिजन इन्टरनेशल नेपालके परियोजना लिड दिलिप चन्द्र ढकाल सहजीकरण करि रहए।
कहेसे मरियादबारे सहजीकरण सहजकर्ता भीमराज अवस्थी और धनबहादुर ऐर करि रहए। कार्यक्रममे कैलारी गाउँपालिकाके उपाध्यक्ष भगवती कुमारी चौधरी, प्रमुख प्रशासकीय अधिकृत विर बहादुर ऐर, वडाअध्यक्ष, कार्यपालिका सदस्यन्रकाे सहभागिता रहए। कार्यक्रमके संचालन कैलारी गाउँपालिकाके सामाजिक विकास शाखाके प्रमुख यगम कलेल करि रहए ।
