धनगढी, चैत २८ ।
कैलालीक धनगढी उप-महानगरपालिका वडा न. ८ मे निर्माण भओ सिटी हल भवन निर्माण सम्पन्न भओ हए । १० महिना बितगओ फिरभी प्रयोगमे नओ हए। तयार हुइके भी सिटी हल सञ्चालन करनके निर्देशिका नबनतय प्रयोगमे अभाए नओ हए।
सङ्घीय योजना कार्यान्वयन ईकाइ कार्यालय धनगढी केन्द्रीय विभागसे हल सञ्चालनके ताँही स्थानीय तहक हस्तान्तरण करनके निर्णय बाँकी हए । प्रयोगमे नआन्नके जनाइ हए । २८ करोडमे निर्माण भओ सिटी हल प्रयोगमे लान्नके अभाए ताला ठोकी हए। सुदूरपश्चिमके व्यापारिक, राजनीतिक और अन्य दृष्टिकोणसे फिर केन्द्रके रुपमे रहाे हल धनगढीमे बैठक, सभा, गोष्ठी, सेमिनार जैसाे बडाे कार्यक्रम करनके स्थानके आवश्यकता महसुस करनके बाे भवन बनाइ हए। भवन निर्माणके ताँही सङ्घीय योजना कार्यान्वयन ईकाइ मार्फत् २०७५ सालमे निर्माण कम्पनीसँग सम्झौता करके काम आगु बढाइ रहए।
उनके अनुसार २०७६ सालसे बो सिटी हल निर्माणके काम सुरु करि रहए । २८ करोड खर्च हुइके बो भवन निर्माण २०७९ असाढमे सम्पन्न हुइके सङ्घीय योजना कार्यान्वयन ईकाइ कार्यालय धनगढी जनाइ हए। सिटी हलके रेखदेख निर्माण कम्पनी एक जानै चौकीदार धरके फिर निर्माण हुइके भवनमे भारी ताला लगाइ हए। बहे हलमे ९ सय जानै अपानकाे क्षमता रहाे अडिटोरियम हल, २ सय जानै अपानकाे क्षमताक सेमिनार हल, एक प्रदर्शनी कक्ष, एक अति विशिष्ट कक्ष, २ रियल्सन हल और अन्डरग्राउन्ड पार्किङ सहितकाे सिटी हल निर्माण करि हए।
