शुक्रराज राना/ बेलौरी, ११ फागुन ।

बेलौरी बजारमे आज दुपहारके ग्यासकी चुल्हासे पाईप निकरके बिष्णु रेष्टुरेन्ट तथा मासु पसलमे आगी लगी रहय । पसलके प्रोप्राईटर ऋषि राना मासु पकातपेती अचानक ग्यासकी चुल्हासे पाईप निकरके लगी आगीसे खासय नुक्सान न हुईपाई हय कहिके बे बताई हयँ ।

कृषि बिकास बैंकके अग्गु अवस्थित बिष्णु रेष्टुरेन्ट तथा मासु पसलमे अचानक आगी लगके ग्यासकी चुल्हा ठिन धरे भय समान और उपरके समान जरके नष्ट हुईगय हयँ । बिजलीकी तार, छानी उपरकी पल्ली और आसपास धरे दैनिक उपभोग्य समान जरके नष्ट हयँ । “”आजकल ग्यास तथा ग्यासकी चुल्हामे लगानवाली पाईपमे बहुत समस्या आएरहो हये” कहिके पसलकी साहनी बताई हयँ ।

आगी लगतयकी पसलकी जौडेवाली चिया पसलके ग्राहक और आसपासके आदमी आगीके नबुताए पायके बैंकमे धरो फायर एक्सटिंगीसर से आगी बुताई रहयँ कहिके प्रोप्राईटर राना रानाथारु डटकमके जानकारी दई हयँ ।