निबा राना/धनगढी, २६ भदाै । धनगढी उपमहा नगरपलिका वडा नं. १० जुगेडा गाँवमे भलिबल प्रतियाेगीता आजसे सुरू भओ । जुगेडा कप भलिबल प्रतियाेगीता संयुत्त राना जनचेतना परिवारके अयाेजनमे संचालन भओ हए।

कार्यक्रमकी प्रमुख अतिथी धनगढी उपमहा नगरपलिकाकी उप-प्रमुख कन्दकला राना रहएँ। उप प्रमुख राना रिबन काट्के भलिबल प्रतियाेगीताकाे उद्घाटन औ खेलकाे शुभराभ करिरहएँ। कार्यक्रममे धनगढी उपमहा नगरपलिका वडा नं. १० के वडा अध्यक्ष शिवकुमार राना, नेपाल रानाथारू समाजके केन्द्रीय उपाध्यक्ष कमल सिं राना, ललैबंगरा मन्दिर व्यावस्थापन समितिके अध्यक्ष बहादुर राना लगयत बहुत गाँवसे अए खेलाडीनकाे उपस्थिति रहएँ। कार्यक्रममे पडाेसि देश भारतके उत्तर प्रदेश, उत्तरा खण्ड औ पुर्व चितवनसे लाइके कैलाली, कन्चनपुरके विभिन्न २७ टिमकी सहभागीता हए कहीके कार्यक्रम संयाेजक भगीरत राना जानकरी दैइ हएँ।

प्रतियाेगीतामे राष्ट्रिय औ अन्तराष्ट्रिय खेलडीनकाे सहभागीता हएँ। कार्यक्रममे प्रथम पुरूषकार रू. ५१ हजार ५ सय ५५, औ दृतिय पुरूषकार २४ हजार ५ सय ५५ और ट्रफि संगय प्रमाण प्रत्र दिबैया हएँ कहिके बताइ संयुत्त राना जनचेतना परिवारके अध्यक्ष रवि राना ।

भलिबल प्रतियाेगीता कार्यक्रम क्वाँरकाे १ गते तक चलैगाे आजकाे उद्घाटन कार्यक्रमकाे खेल अयाेजक टिम औ रानाथारू आदर्श यूवा क्लबके बिच भओ खेलमे रानाथारू आदर्श यूवा क्लबके बिजय भइ हए।