जेम्स राना/कञ्चनपुर, जेठ ०६ । निर्वाचित कञ्चनपुरके पाँच पलिकामे प्रमुख सपथ ग्रहण करि हएँ। शुक्रबार मुख्य निर्वाचन अधिकृत औ जिल्ला न्यायधिश मदन बहादुर धामी निर्वाचत पलिका प्रमुख सपथ ग्रहण कारै हए। दुइ गाँउपलिका अध्यक्ष औ तीन नगरके मेयर पद औ गाेपनियताके सपथ ग्रहण करि हएँ।

बेलडाँडी गाँउपलिका अध्यक्षमे हरिचन्द राना, लालझाडी गाँउपलिका अध्यक्षमे निर्मल राना, बेलाैरी नगरपलिका मेयरमे पोतिलाल चौधरी, बेदकाेट नगरपालिका मेयरमे भाेजराज बाेहारा औ दाेधाराचाँदनी नगरपलिका मेयरमे किशाेर लिम्बु एक कार्यक्रमके बिच सपथ ग्रहण करि हएँ।

सपथ ग्रहण कर ताए मुख्य निर्वाचन अधिकृत और न्याायधीश मदन बहादुर धामी संविधान देनके हक अधिकार प्रयाेग कर तए नगरिकके सेवा प्रशाद कर तए शिक्षामुलक कार्यक्रम संचालन करन अग्रह करि हए। सपथ ग्रहरण कार्यक्रममे बेलाैरी नगरके प्रमुख पाेतिलाल चाैधारी स्थानीय सरकार संचालन ऐन प्रतिबद्धता जाहेर करि हए।

जिल्ला न्यायधिश नगर औ गाँउ प्रमुख और उपप्रमुख वडाध्यक्ष एव सदस्यके सपथ ग्रहरण करए हए । कार्यक्रमके प्रमुख अधिकारी राम प्रशाद पाण्डे सहितके जिल्ला स्थित सुरक्षा निकाय प्रमुख, बेदकाेट नगर निर्वाचन अधिकृत जयन्ती अवस्थी (भट्ट) सहितके निर्वाचन अधिकृतकके सहभागिता रहएँ।