कञ्चनपुर , ३ बैशाख २०७९। कृष्णपुर नगरपालिका थारु समुदायमे अगुवाइ करनबाले बडघर और भलमन्साक नगरस्तरीय समितिक ताँहि पाँच लाखको अक्षय कोष स्थापना करीहए।
थारू सामुदय मे बडघर और रानाथारू सामुदायमे भलमन्सा समितिके संस्थागतरुपमे काम अग्गु बढानके सहयोग पुगान ताँहि अक्षय कोष स्थापना कराेगाैहए। कोषकी रकमको व्याजसे बडघर और भलमन्साक आयोजना करनबालाे सामाजिक कामके संगए बैठक, छलफल, सांस्कृतिक समारोह, कलासंस्कृति बचानबालाे कामके सघाउ पुगए कहिके नगर प्रमुख कर्णबहादुर हमाल बताइ।
“सामाजिक और सांस्कृतिक समारोह आयोजना करन आवश्यक रकमको चाँजोपाँजो मिलानके ताँहि घरीघरी सहयोगी संस्थाके अनुराेध करनकाे अवस्थासे छुटकरा मिलैगाे ”, बे कहि , “जहे आर्थिक समस्याके मध्य नजर करके कोष स्थापना कराेगाैहए, जा से बडघर और भलमन्सा लाभान्वित हाेमंगे कहिके मय विश्वास लएहाैँ।”
बडघर और भलमन्सा गाउँको सामाजिक रीतितिथि मिलान कामके संगए सांस्कृतिक कार्यक्रमको आयोजना करन, वैवाहिक, धार्मिक कार्यमे सहयाेग करन स अंशबण्डा, जग्गाक साँध सिमानाक विवाद मिलान काम भलमन्सा करतहएँ। थारु समुदायमे बडघर और रानाथारूमे भलमन्साक स्थान महत्वपूर्ण मानतहए।
कृष्णपुर नगरपालिका क्षेत्र भितर ७२ बडघर और भलमन्सा समितिक कामके अग्गु बढानके ताँहि १० लाख बराबरकी कुर्सी वितरण करेहए और प्रत्येक समितिक १५/ १५ क दरसे कुर्सी बाँटेहएँ।
रासस
