नरेश राना / लालझाडी
कञ्चनपुरको लालझाडी गाउँपालिकाका निवर्तमान प्रमुख प्रशासकीय अधिकृत राजबहादुर सार्कीलाई बिदाइ तथा नवनियुक्त प्रमुख प्रशासकीय अधिकृत हिमाल डंगौरालाई स्वागत गरिएको छ।
गाउँपालिकामा आयोजित स्वागत तथा ‘फेरि भेटौँला’ कार्यक्रममा निवर्तमान प्रमुख प्रशासकीय अधिकृत सार्कीलाई बिदाइ गर्दै गाउँपालिकामा रहँदा उनले पुर्याएको प्रशासनिक नेतृत्व, समन्वय, सहकार्य तथा योगदानको प्रशंसा गरिएको थियो। कार्यक्रममा सहभागी जनप्रतिनिधि तथा कर्मचारीहरूले सार्कीको कार्यकालमा गाउँपालिकाको प्रशासनिक कामकाजलाई व्यवस्थित बनाउन पुर्याएको भूमिकाको स्मरण गर्दै आगामी जिम्मेवारीका लागि शुभकामना व्यक्त गरेका थिए।
सार्कीले गाउँपालिकामा कार्यरत रहँदा स्थानीय सरकारको सेवा प्रवाह, प्रशासनिक व्यवस्थापन तथा जनप्रतिनिधि र कर्मचारीबीचको समन्वयमा महत्वपूर्ण भूमिका निर्वाह गरेको बताइएको छ। कार्यक्रममा उनको आगामी कार्यकाल तथा जिम्मेवारी सफल रहोस् भन्ने शुभकामना व्यक्त गर्दै बिदाइ गरिएको थियो।
यसैगरी, लालझाडी गाउँपालिकामा नयाँ प्रमुख प्रशासकीय अधिकृतका रूपमा जिम्मेवारी सम्हाल्न आएका हिमाल डंगौरालाई स्वागत गरिएको छ। कार्यक्रममा जनप्रतिनिधि तथा कर्मचारीहरूले डंगौरालाई स्वागत गर्दै गाउँपालिकाको प्रशासनिक सेवा प्रवाहलाई थप प्रभावकारी, व्यवस्थित र जनमुखी बनाउन सफल कार्यकालको शुभकामना दिएका थिए।
नवनियुक्त प्रमुख प्रशासकीय अधिकृत डंगौराले गाउँपालिकाको विकास, सेवा प्रवाह र प्रशासनिक कार्यलाई प्रभावकारी बनाउन जनप्रतिनिधि, कर्मचारी तथा सरोकारवालाबीच आवश्यक समन्वय र सहकार्य गर्दै अघि बढ्ने अपेक्षा गरिएको छ।
स्वागत तथा बिदाइ कार्यक्रममा लालझाडी गाउँपालिकाका अध्यक्ष निर्मल राना, उपाध्यक्ष सपना चौधरी राना, विभिन्न वडाका वडा अध्यक्षहरू, कार्यपालिका सदस्य, जनप्रतिनिधि तथा गाउँपालिकाका कर्मचारीहरूको उपस्थिति रहेको थियो।
कार्यक्रममा निवर्तमान प्रमुख प्रशासकीय अधिकृत सार्कीलाई आगामी जिम्मेवारीका लागि शुभकामना दिँदै नयाँ प्रमुख प्रशासकीय अधिकृत डंगौरालाई सफल कार्यकालको शुभकामना व्यक्त गरिएको थियो।
