धनगढी । दिवारीके अवसर मे राणाथारू प्रतिभा खाेज मंच २०२५ लखिमपुर खिरी निझोटा गाँव द्वारा आयाेजित कार्यक्रममे सरकारी कर्मचारी, उच्च अंक प्राप्त यन्टरमिडिएट विद्यार्थि और कलाकरनके सम्मानित करिहए । कार्यक्रम निझाेटा गाँवके पधना ओमप्रकाश रानाके अध्यक्षतामे भवरहए । कार्यक्रमकाे खास पहुना श्री शिव माविके प्राधानाध्यापक (रानाथारू डटकम के प्रधान सम्पादक) नन्दलाल राना रहए कहेसे विशिष्ट पहुन नेपाल रानाथारू समाजके केन्द्रिय अध्यक्ष तथा गाेर्खा पत्रसकाके रानाथारू अंकके सम्पाद कमल सिह राना, पछलि छिदिया गाँवके प्रधान राम नरेश राना,निझाेटा गाँवकी प्रधान लज्जावती राना, विरिया गाँवके पुर्वप्रधान काे उपस्थति रहए । कार्यक्रम के संचालन उपाध्यक्ष राममिलन राना करिरहए । कार्यक्रमके मुख्य अकर्षक गायक अन्जली राना,लक्ष्मि राना, नृत्य अन्चली राना रहए । उनकाे गायन और नृत्यसे कार्यक्रम बहुत भव्य और सभ्यसे सम्पन्न भवरहए ।