नन्दलाल राना/खटिमा, भारत ।

रानाथारु युवा जागृति समिति एवं रानाथारु युवा मंच उधम सिंह नगर ( उत्तराखण्ड) द्वारा आयोजित मेधावी छात्र–छात्रान के सम्मान कार्यक्रमको आयोजना करिहएँ । थारु विकास भवन खटिमा एक समारोहके विच मे बे मेधावी छात्र–छात्रान के सम्मान करिरहएँ ।
सम्मान समारोह कार्यक्रम संस्थाके अध्यक्ष डिल्लु रानाके अध्यक्षमे भव रहए कहेसे प्रमुख अतिथी द्वोय विधायक गोपाल सिंह राना और पुर्व विधायक डा. प्रेम सिह राना रहए ।
विशिष्ट अतिथीमे ब्लक प्रमुख सरिता राना, रानाथारु उपन्यासकार पदम राना रहए । अतिथाीमे लखिमपुर खिरी से जगन्नाथ राना, रानाथारु परिषदके अध्यक्ष दान सिह राना, पीसिएस अधिकारी कुलदीप सिह राना, डा. देव सिह राना लगायत सुरजीत सिह राना उपस्थितछात्र–छात्रानके उत्साहवर्धनात्मक शुभकामना मन्तव्य दइ रहए ।

ऐसीकरके Excellent IAS Academy, बरेली (उ.प्र.)के निदेशक अजीत सिंह कैरियर काउंसलिंग के बारेम जानकारी दइरहए । जा से विद्यार्थीनके सिविल सेव औ प्रतियोगी परीक्षाकी तयारीमे बहुत उपयोगी सिद्घहोवैगो वक्तालाेग बताइहए ।
कर्यक्रमके मुख्य आकर्षण समाजके एक सय मेधावी छात्र छात्रानके सम्मान करिरहए कहेसे मेरिट सुचि मे प्रथम, दिृतिय औ तृतिय स्थान प्राप्त करन बाले विद्यार्थीनके विशेष सम्मान करोगौ रहए ।
कार्यक्रम शिक्षक नवीन सिह राना, सुरजीत सिह राना औ वास्तव सिह राना संचालन करिरहए ।