निवा राना/धनगढी: नेपाल राष्ट्र बैंक नेपालमे भारतीय रुपैयाँ एक सयसे जधा बडाे नोटको कारोबारमे प्रतिबन्ध लगाइ हए। राष्ट्र बैंक वित्तीय चेतनाके ताँही मंगरके जारी करि सूचनाम भारतीय रुपैयाँ एक सय दरसे बडाे नोट सगमे धरन, हिनहुन लैजन और कारोबार करन प्रतिबिन्धत लगाइ हए करके उल्लेख हए।

उइसि, भारतसे नेपाल आन्न औ नेपालसे भारत जान अमेरिकी डलर ५ हजार बराबरको भारतीय रुपैयाँ इक्लाे लैजान पए हए करके राष्ट्र बैंक जनाइ हए। अइसि लैजान्न औ ललन्रके नोट फिर सयसे जधा बडाे नोट हाेन नपडाे व्यवस्था करि हए। पाँच हजार डलरसे जधा भओ भारतीय रुपैयाँ ल्यान्न लैजान पडाेमे भन्सारम घोषणा करन पड हए ।
भारत भ्रमण जान्नके ताँही बैंक और वित्तिय संस्थासे भारतीय रुपैयाँ २५ हजार सम्म और औषधी उपचारके ताँही भारतीय रुपैयाँ ५० हजार सम्मको सटही सुविधा लेन पए हए करके राष्ट्र बैंक जनाइ हए। ड्राफ्ट, टीटी, कार्डमार्फत हाेन भुक्तानीमे फिर जा सीमा लागु नहाेन्नके राष्ट्र बैंक जनाइ हए।