दिनेश राना/कैलाली: थारु लेखक संघ नेपाल कैलालीक आयोजनामे भओ दुइ दिनकाे साहित्य लेखन्न और प्रशिक्षण कार्यक्रम निभ्टाे हए। श्री सर्वोदय माध्यमिक विद्यालय धनगढी-१४ कैलालीक सभाहलमे भओ कार्यक्रममे स्थानिय विद्यालयके लगभग ४५ प्रशिक्षार्थी सहभागी भओ रहए कहेसे साहित्यकार और शिक्षक कृष्णसिंह पेला औ रघुनाथ ओझा प्रशिक्षक रहए।

साहित्य साधनामे अभाएके युवा रूचि नदिखाइ औ दिखन्नसे फिर कैसे लिख्ए करके ज्ञान नराहए तओ उनके साहित्यमे लिखनके ताँही कार्यक्रम आयोजना कारे कहिके संघके सचिब अनिल कुश्मी बताइ ।

जा कार्यक्रम पछु साहित्य लिखन् ज्ञान सीप संगए प्रेरणा मिलए कहिके सहभागी रेजिना चौधरी बताइ। थारु लेखक संघ नेपाल कैलालीके अध्यक्ष जीतबहादुर चौधरी, साहित्य लेखन और प्रशिक्षण कार्यक्रम अछेसे सम्पन भओ जानकारी करातए सहयोग करि सबएके धन्यवाद दैइ रहए।