लखिमपुर खिरी । अन्तराष्ट्रिय राना थारु समाजीकी मैत्रीपुर्ण सम्मेलन इतबारके दिन भव्यताके साथ निभटो । कार्यक्रम थारु जनकल्यण संस्था लखिमपुर खिरीके आयोजनामे भवओ रहए ।
मैत्रीपुर्ण सम्मेलन सस्थाके अध्यक्ष छैलविहारी रानाके अध्यक्षतामे और विशिष्टअतिथी अन्तराष्ट्रिय राना थारु समाजके अध्यक्ष डिल्लु राणा, नेपालसे डा.जीवन रानाकी आतिथ्यमे भवओ रहए । नेपाल,भरातमे बैठनबारे रानाथारुनको भाषा, संस्कृति, रितिरिवाज, खानपानसे लैके सबकुछ एक है तओ काहेन एक फोरम बनाए चलए बताइ डा. राना
नेपालके सहसंयोजक पदम राना कहि अन्तराष्ति«य लेवलमे संस्था दर्ता करान ताँहि ७० हजार युयस डलर बराबरको मौज देखाइके एनजीओ टाइपको संस्था दर्ता कराए सकत हए बताइ । खटिमके गोपाल सिह राणा कहि अन्तराष्ट्रिय लेवलमे थारुनको एक संस्था बनो हए बहेके मानके चलए अलग काहे संस्थाबनाए कहि ।
अइसि करके खटिमाके थारु युवाके संरक्षक राजविर राना कहि संस्था दर्ता पक्रियमे अगर सम्स्य हए कहेसे युज फर्म बनाएके चलएँ बताइ । नेपालके वुद्घिजीवि धर्मराज राना अपन एनजीओको लम्वी अनुभव सुनात कहि संस्था दताको प्रक्रियके ताहि कम्तीमे तिन देशमे एकय नावसे खुलो संस्थाके अन्तराष्ट्रिय रुपमे मान्यता मिलजात हए बताइ ।
खटिमाके मलखित राणा कहि अगामि बैठकमे दुनो देशके संविाधनमे का व्यवस्थाहए पतालगान संस्थाक विधान मसौदाको खाका बनाएके प्रस्तुकरन बताइ रहए । नेपालसे भक्त राज राना कहि हमर उद्देश्य एक हए कहेसे तिनौ ठाउँके थारुवाको एक साझा मन्च तयार करके अग्गु बढसकत हए बताइ ।
सम्मेलनको सहजीकरण थारुजनकल्याण सस्थाके महामन्त्री रामचन्द्र राना करिरहए । स्वागत अन्तराष्ट्रिय राना थारु समाजीके सह संयोजक ओमकार राना करिरहएँ । अगामी बैठक जनवरी २०२५ मे नेपालमे बैठनको तय करिहए ।
