दिनेश राना, बेलाैरी ।
कञ्चनपुरको बेलौरीमे जहे साल २०८० चैत ९ और १० गते बेलौरी नगरपालिका बेलौरी बजार खुल्ला मञ्चमे रानाथारु भलमन्सा तथा पधना समितिकीे बेलौरी “होरि मिलन और सांस्कृतिक कार्यक्रम २०८०” आयोजना करन जाए रहो हए । “रानाथारु संस्कृति और पहिचान, मिलके बचामै हमरो अभियान” मुलनारा लैके होन जएरहोहए ।
गत साल एकदिनको कार्यक्रम आयोजना भव रहएँ , तमान सांस्कृतिक कार्यक्रमकी प्रस्तुति नदिखाइपाइ रहएँ, तभिमारे जा साल २ दिनको कार्यक्रम धरो गओ हए । रानाथारुको सबसे बडो त्युहार होरि होनको बजेसे, हमरो कार्यक्रममे सबए ददाभइया और दिदिबहिनीया अपनो उपस्थिति जनाए देहएँ करके रानाथारु भलमन्सा तथा पधना समितिके अध्यक्ष सुरेश कुमार बडायक विनम्र अनुरोध करि हएँ ।
अध्यक्ष बडायक कहिँ, अपनो संस्कृतिके अपनए न बचए हएँ तओ कौन बचाए देबैगो । और बे कहिँ खासकरके अभएके युवा पुस्ताके संस्कृति बचाओ अभियानमे लागन एकदमै जरुरी तथा बाके ताहिँ ऐसे–ऐसे सांस्कृतिक कार्यक्रम नियमित रुपसे होन जरुरी हए कहि ।
