रानाथारू भाषाको पहिलो वेवसाइट
रानाथारू भाषाको पहिलो वेवसाइट
१) अँखि गजागज मुडए नाए ?
गिगटा
२) जान जनौनि जान कि, पगिया बाँधय चामकि, नघोटि पैँधय लोह कि, नजानय तओ भडगोह कि ?हर, जुव और फरो
३) पेरो बरधक पकडन दौरौ, मौरो बरधा मारन दौरो ?बेर
४) ४ हएँ चौरंगे बंगे ३ हएँ गुरुभाइ, खेलत हएँ बाबुर तरे करत हएँ लणई?पाँसे
५) पहाडसे आव नक्टा पेट बक् खप्टा पुछ बाकी गाभिन ?पाखैया
६) जोनी जैसो रुप हए बाको सोनो जैसो रङ्ग, बिना टङको चलत रहत हए बाके बिना सब तङ्ग ?रुपैया, पैशा
७) पानी डरयता एैलीयाबए, ना डरयता हरियबए ?नुन, चिनी
८) एक अजुध्या मे एैसो विर, गन गयके मारय तिरमाछर
९) फरए ना फुलए झबै भर भर तोरए ?कुरा
१०) थर थर थरिया गोल पिटरिया, ना जानएत तिर बाफ कापरीया ?पुरि
११) छोटोसो राज कुमार पैधे एक हाजार ?प्याज
१२) लम्जुलम्मा लम्बा संप क?ठ्ठक चुतर लोहक दाँत ?ढेकी
१३) पहाडसे खासो मालमे धसो पाँचजो दौडे दुइके पटक दैँ ?सिंघन
१४) भले आदमी कि पिठ मे पन्जा जान जैगेत हदैऔ गंगा ?कन्डा
१५) चार घल्ला रसके भरे पडे बिना ढक्कनके औंधोपडे ?गाँईया और भैँसिया कि थन
१६) माटिके होडा लोहाके लगाम, बामे बैठे थपथपे मधान ?चुली, तौ और रोटि
१७) घामुमे जनम भौ छाहीमे कुमलियए एसो बिरला कौन सिरजो, जो हावा चलाए त मरजाए ?पसिना
१८) लाल बटुवमे छनछन रुपैया, न जानए तौ अपन एैयासे पुछिया ?मिर्चा
१९) बत करय अरथाय को तय हए बडा जिद्को तेरे शरिरमे कउन्छो हड्डा हए तीन बित्को ?मुड कि हड्डि
२०) वनसे लाई बदरिया घराए छिदाई कान, कान छिदयके फेकदई जल पडि मैदान ?दुन्खा
२१) सेतो धजा लाल पगा, कौन देशसे आओ लला ?सर्ष
२२) इल्मिले पात कि झिल्मिले पात जे पातन मे तिलऔ न आपत ?सताउर कि पत्ता
२३) अईसि कउन चिज हए जो किनत हए बो पहिनत ना हए, पर जउन पहिनत हए बो किनत नाहए ?कप्फन
२४) तारा मण्डल निराधार पात पतम्मर छाए, माता उसकि गर्भ रही पुत व्याहन जाए ?कमलको फुल गटा
२५) मए लटको रहओ तुम पडे रहौ रात दिन गलबलो होत रहए ?भँटा और आलु
२६) घुमघुमाणो घेँघणो चुटिया बाकी तन्न, बर्सात को मौसम है चलौ हमर संग ?मिथौरा
२७) एकए ररुप हए अलग अलग नाऔँ, एकए शरिरमे अलग अलग काम ?बार
२८) पिया कि प्यारी मै मोसे प्यारी बो होए त परोसन दैदेओ, नह भर खोटै गाल भरिजए ?सुरति
२९) पहीले जन्मे चुकला चुकली, फिर जन्मे बापु, बाप कि गोड़ी छुट ना पाई जन्म गई आईया ?छिकहर
३०) हुईतो ता खान न दित्तो, ना हए त खाएले ?बाँण बरधा
३१) अग्गु रहओ हरि, पाछु भव लाल, अइसो कौनक फेला पडो हुईगओ कौवस कारि ?खटाई
३२) टेंढे बेंढे रुखबा, चढतत् दुखबा, कारी गईया मारन दौरी, खतत् मिठबा ?भौउर कि सहद
३३) दुकिसि बुयिा हारभर फिरि और फिर पेट ना भरो ?हँसिया
३४) उपर छाता तरे गाँठा खात बतात का हए ?घुईया
३५) अणि गणि बन कणि गणि, गणि बसुले दार अईसो बणहीक् नाओ बताए देओ उल्टा किवरा लगए ?घोङ्घा और घोङघी
३६) पाँच पण्डवा घनी खजुर तुम लौटौ हम जैहए दुर ?हात और कौरा
३७) आकाश कि रानी धर्ती में गिरी, सुरज के देखतै थुंकन लगि ?पत्थर बर्षन
३८) एक सिङ की गैइयाँ घुम घमु के आई जितनौ खबाओ उतनो खाई ?चकिया
३९) शिर काटके फेकदै रुंड लाई धर, खलरी निकारके कामने लगाई हड्डा दई जराए ?पटुवा
४०) अकाशमे आगि पलालमे पानी चुम्मा खान गबता ठन्डानकि बानि ?हूक्का
४१) ताल तालके उपर खम्बा, खम्बा के उपर टोप, टोप के उपर चिज के उपर लालैलाल ?हूक्का
४२) एक अचम्मो एैसौ देखो मुरदा रोटि खाबय, मस्कायसे मसकाय नय मारे से चिल्लाबय ?मदरा ठडिया नाचकि
४३) जितनो बाँधएँ उतनो लम्बो होबए ?मेँडा बाँधन
४४) तुम जोगी हम जोगी, करएँ कुम्भको मेला बिगर छालाको पेड बताए देओ, तुम गुरु हम चेला ?बार
४५) बिना पछकी बछिया बिना टाङको पकडके लैगव और बिना मणको लैजात देखी ?मुडकिया के साँप पकड के लैगओ और गिँगटा देखी
