राममिलन राना /धनगढी १५ सावन । रानाथारुकाे विशेष तिज पर्वके उपलक्ष्यमे धनगढी उप-महानगरपालिका वडा नम्बर ७ बेली गाउँमे तिज मिलन कार्यक्रम २०७९ सम्पन्न भओ हय।कार्यक्रम सन्चालक मे रघुनाथ ओझा रहञ। कार्यक्रके सभापती राना थारु समाज बेली गाउँ की अध्यक्ष राजकुमारी रानाके सभापतित्वमे सम्पन्न भओ रहए । राम औतार राना रहयन।कार्यक्रमके प्रमुख अतिथी कैलाली क्षेत्र नम्बर ५ के प्रतिनिधि सभा सद्स्य तथा पुर्व वन तथा वातावरण मन्त्री नारदमुनि राना रहएँ । माननिय राना कहि रानाथारुकि कला ,संस्कृति ,रितिरिवाज बचानके ताँहि एकता ,सहयोग और जनचेतना कि बहुत जरुरी हय बताइ हए । और कार्यक्रममे बिशिस्ट अतिथीमे नगढी उपमहानगर पालिकाकि उपप्रमुख कन्दकला राना रहए । आज १५ गते रानाथारुक तीज पर्वके उपलक्ष्यमे धनगढी उपमहानगरपालिका भर सर्बजनिक बिदा की घाेषणा गराेगओ हए । बे कहि यदि मिर ठाउँ मे और कोइ दुस्रो हुइतो तौ आज ज बिदा साइत न मिल्पातो। तभिक मारे राजनितीमे फिर राना थारु दिदी बहिनिया ददा भैया, सबय के अग्गु बढन जरुरी हय बताइ उपप्रमुख राना ।
अइसी करके कार्यक्रमके दुसरे विशिष्ट अतिथी नेपाल रानाथारु समाजके उपाध्यक्ष कमल सिङ राना रहय। अाेर बे कहि हमर राना थारु समाजके सबय अगुवा स्थानिय ,प्रदेश और केन्द्रियमे रानाथारुको पहुच होन जरुरी हय। जासे हमर राना थारु को हक अधिकार ,रितिरिवाज ,संस्कृति और पहिचान मे सहयोग पुगैगो बताइ रहए । कार्यक्रममे शुभकामना देन धनगढी उपमहानगर पालिका वडा नम्बर ७ के वडा अध्यक्ष माेती रानाथारु वडा नम्बर १५ के वडा अध्यक्ष सुकदेव राना बेलि मिलन सामुदायिक वनके उपाध्यक्ष राम औतार राना गावके भलमन्सा बुद्धिजि उपस्थित रहए । कार्यक्रमके सचालन रघुनाथ ओझा करिरहएँ ।
कार्यक्रममे तिज पर्वमे चढनबालाे परिकार सिमहि पुरी गुलगुला पकाैडी पकाइरहएँ अाैर अन्तमे सब महिला दिदीबहिनीया मिलके नदियामे भुडकी पुहान गइहए । सिगर रामदेव राना, गायक लक्ष्मी राना ,सिता राना ,माेडेल पार्वती राना कार्यक्रममे अपन प्रस्तुती दिखाइके थप मनाेरञ्जन दइरहएँ ।
