धनगढी, ९ पुस । नेपाल लोकतान्त्रिक पार्टीके जिल्ला अध्यक्षमे थरुहट नेता माधव थारु छनाैट भएहएँ ।
नेपाल लोकतान्त्रिक पार्टी और थरुहट थारुवानके संयूक्त संगठन विस्तार अभियानमे नेता थारुकेअध्यक्षमे छनाैट करीहएँ । ऐसीकरके विस्तारीत संगठनमे उपाध्यक्षमे देशराज चौधरी ,सचिवमे प्रदेशी चौधरी, लगायत ३५ सदस्यीय कमिटि गठन करीहएँ । नेपाल लोकतान्त्रिक पार्टीक चुनाव चिन्ह ‘नमस्ते’ रहबैगाे।

संगठन विस्तार अभियानसे सांसद रेशम चौधरी जेलसे दर्ता प्रक्रियामे भाै समुहसे राजनीतिकरुपमे एकतावद्ध हुइके टीकापुर मुद्धा लगायत समग्र उत्पीडनके मुद्दाके सम्बोधन करन और करवान ताँहि अग्गु बढन नव निर्वाचित अध्यक्ष थारु जानकारी दइहएँ ।
थरुहट थारुवान आन्दोलनके और मजबुट और सुद्धिकरण करके राजनीतिक रुपमे संस्थागत करन और उत्पीडित वर्ग क्षेत्र लिंगके अवाजके बुलन्द करन राजनीतिक दल तथा समुहसंग एकताबद्ध हुइके गच्छदारकी पार्टिसे फिकाेभाै चुनाव चिन्ह ‘नमस्ते’ के अंगलतय आनबालाे चुनावमे प्रतिवद्ध हुइके लागन नेता थारु कहिहएँ ।

लम्की, चुहा, और बलियामे भव कार्यक्रमके प्रमुख पहुना थरुहट नेता लक्ष्मण थारु, विशिष्ट पहुना पार्टी अध्यक्ष भानुराम थारु, पार्टी उपाध्यक्ष भूमिनन्द बराल, थरुहट नेता श्रवण थारु उपस्थित रहए ।