निवा राना/कैलाली, चैत ३० । गर्मी सुरु हुइके सँगए बाजुरामे कालाजारकाे बिरामी भेटाेनाे हए। हिमाली गाउँपालिका-३ बौडीकाे छपल थापाक छ वर्षीय लाैंडा निमा छिरिङ थापाके कालाजार देखापडाे जिल्ला अस्पताल बाजुरा जनाइ हए ।
लगातार तीन महिनासे बेमार भओ थापाको स्थानीय स्वास्थ्य संस्थामे उपचार करतय अछाे नभओ बुधाके सन्झाक जिल्ला अस्पतालमे भर्ना करि रहए। उपचारके क्रममे बालक्क कालाजार रोग देखानाे अस्पतालकाे सूचना अधिकारी नृपराज गिरी जानकारी दैइहए।
उनके अनुसार बालक्क कालाजारके संगए कुपोषण फिर हए करके शरीरमे दुई प्वाइन्ट इक्लाे रगतकाे मात्रा हए । रगतको मात्रा कम हाेनके करण बालक्क आइसीयुमे धनरपडाे हए, और उपचारका ताँही सुविधायुक्त अस्पताल पठान्नकाे तयारी हुइ रहाे करके सूचना अधिकारी गिरी बताइ।
गर्मीयाममे घर आँगन अगु फोहर और गढामे पानी जम्ननाेके करण मछार लाग्न और मछारके कट्नेसे कालाजार रोग लगत हए, अस्पतालकाे निमित्त कार्यालय प्रमुख डाक्टर मिलन जोशी बताइ हए। उनके अनुसार गर्मीमे कालाजार, डेङ्गुलगायत रोगको जोखिम जधा बढाे हए। जा सँगए जिल्लामे कालाजारकाे बिरामीक सङ्ख्या पाँच पुगाे हए । जासे अगु कोल्टीमे चार जानैमे कालाजार दिखनाे रहए।
