धनगढी, ०९ चैत । धनगढीक पत्रकार टेकसिंह धामीके नेवि संघका कार्यकर्ता ओमप्रकाश अवस्थीकी धम्की दैइ हए।
पत्रकार धामी अपना नेवि संघको नेता बताइ करके अवस्थीक फोन करि हए। मुण फुटान्नकी धम्की दैइ हए। जइसि धम्कीको विरोध करतय नेपाल पत्रकार महासंघ कैलाली दोषीके तत्काल कानुनी दायरामे लानके जिल्ला प्रहरी कार्यालयमे निवेदन दैइ हए ।
महेन्द्रनगर पोष्टम प्रकाशित ‘कैलाली बहुमुखी क्याम्पसके स्वतन्त्र उम्मेदवार नेविसंघको धम्की’ शिर्षकको समाचारको विषयके लैइके समाचार कहे लिखाें? तेराे हातगाेडाे ताेरदेहए कहिके धम्क्याइ पत्रकार महासंघ कैलालीको गम्भीर ध्यानाकर्ण भओ कहतय अध्यक्ष हिमाल जोशी जिल्ला प्रहरी कार्यालय कैलालीम दोषीके कानुनी दायरामा लान्नके निवेदन दर्ता करे बताइ। नेवि संघको स्वतन्त्र उम्मेदवारके दबाब दैइ समाचार कहे लिखाें? मुण फाेरदेहओ, अब हिसावकिताब हुइ हए कहतय अवस्थी पत्रकार धामीक फोनसे धम्क्याइ हए।
पत्रकार धामीके दैइ धम्की विरुद्ध नेपाल प्रेस युनियन कैलाली, प्रेस चौतारी कैलाली और प्रेस चौतारी सुदूरपश्चिम प्रदेश ध्यानाकर्षण भओ हए बतातय अवस्थी कारवाहीको दायरामे लानकाे माग करतय विज्ञप्ती निकालि हए।
