धनगढी, ४ चैत ।

सेती प्रादेशिक अस्पतालमे उपचाररत एक युवतीको आज सुबेरे मृत्यु भओ हए । कैलालीको चुरे गाउँपालिका–३ की ३५ वर्षीया झरना थापा मगरकाे उपचारके क्रममे मृत्यु भओ हए । पाठेघरमे समस्या दिखानाे चैत १ गते अस्पतालमे भर्ना भइ बिनकी शनिवार मृत्यु भओ हए । शल्यक्रियाक क्रममे बिनकी मृत्यु भओ पछु चिकित्सकको कमिजोरीक कारण मृत्यु भओ हए आफन्तको आरोप हए । वडा नम्बर ३ काे निवर्तमान वडा अध्यक्ष टेकबहादुर शाह बिरामिक शरीरमे रगतको मात्रा कम हाेतय फिर चिकित्सक शल्यक्रिया करि बाेही कारणसे मृत्यु भओ हए करके बताइ हयँ । उनके अनुसार बाे युवती भर्ना हाेतय शरीरमे १३ पिन्ट रगत रहए ।

तर शल्यक्रियाकी क्रममे शरीरम ५ पिन्ट इक्लाे रगत रहए । बाे युवतीको शल्यक्रिया डाक्टर जगदिशचन्द्र विष्ट करि हए । उपचारमे संलग्न डाक्टर विष्ट शल्यक्रियाकाे कारण बिरामीक मृत्यु नभओ हए करके बताइ । बिनकी कहाइ, ‘मृतक युवतीको पाठेघरसे रगत बहत नदिखात हय। अन्यत्रसे बहाे हुइहए । बिरामीमे अन्य रोगको समस्यासे मृत्यु भओ हुइ सकत जउन रोगके बारेमे पता हय । तर अप्रेसनके कारण मृत्यु नभओ हए ।’ अस्पतालके मेडिकल सुपरिटेण्डेन्ट हेमराज पाण्डेय मृत्यु यकिन कारण बारे अभए कहन नमिलहए करके बताइ हयँ । विज्ञ टोलीको अनुसन्धान पछु इक्लाे मृत्युको कारण बारे बतान सक्हए करके बताइ ।

मृतक युवतीक आफन्त ठक्करबहादुर रानामगर चिकित्सकको लापरवाहीका कारण मुत्यु भओ सत्यतत्य छानबिन नभओ सम्म लास नउठाउनके बताइ हए । ‘गजब विश्वास करके सेतीमे उपचार करनके लाए रहए , तर चिकित्सकको लापरवाहीसे इतनाे जधाबडाे दुर्घटना हुइ गओ , हम सत्यतत्य छानबिन और विश्वस्त हाेनु आधार नभओ सम्म लास उठानके पक्षमे नहए ।’