एमबी राना/कञ्चनपुर ६ सावन । कंचनपुरकि लालझाडी गाउपालिका वडा न.३ स्थित डुङ्गा क्लवकी आयोजनामे औ रानि सामुदायिक वन उपभोक्त समुहकी सहयोगमे सावनको डोला उद्घाटन कार्यक्रम सम्पन्न भओ हए ।
कार्यक्रममे प्रमुख अतिथी लालझाडी गाउपालिकाके प्रमुख निर्मल राना, विशिष्ट अतिथी लालझाडी गाउपालिका उपाध्यक्ष सपना राना चाैधरी अौर वडा न.३ के वडा अध्यक्ष टीकाराम चाैधरी, गाउँके भलमन्सा बुद्धिजीवी, समाजसेवी, सम्पुर्ण गाउँके आदमी, युवा क्लबका सदस्य, अतिथीको उपस्तिथिमे और भलमन्सा पृर्थी रानाके अध्यक्षतामे कार्यक्रम सम्पन्न भओ हए ।
कार्यक्रममे लालझाडी गाउपालिका के प्रमुख निर्मल राना सावनको डोला उद्घाटन करी रहएँ । कार्यक्रममे दिदिबहिनी मिलके आफ्नो सावनको लोक गित फिर गइरहएँ । सावन महिनामे रानाथारु तीज पर्व मनात हएँ । प्रमुख अतिथि राना तीज कार्यक्रमकी सफल हाेबए औ सबएके तीजकी शुभकामना दैहएँ ।
