रानाथारु कलचरल फेस आइडल कि सम्पुर्ण तयारी

रानाथारु कलचरल फेस आइडल कि सम्पुर्ण तयारी

धनगढी , ३ पुस २०७६ ।

मिस्टर एण्ड मिस रानाथारु कल्चर फेस आइडल कि सम्पुर्ण तयारी पुरी हुइगइ हए। जा कार्यक्रम रानाथारुमे पहिलो फेस आइडल प्रतियोगिता होनसे, नेपाल रानाथारु समाज औ मउर संरक्षण मञ्चके संयुक्त अयोजनामे हुबैया कहिके  NRTS संस्थाके  अध्यक्ष कृपा राम राना जानकारी दइहएँ ।

रानाथारुनकि भाषा, संस्कृति, भेषभुषा संरक्षण करन औ समुदायमे लुको भए प्रतिभाके उजागर करन उद्देश्य लैके जा प्रतियोगिता हुइरहो हए । प्रतियोगितामे ५० प्रतियोगि सहभागि भए रहएँ, बामे १३ जनी अन्तिम राउण्डके ताहीँ छनौट भए हएँ कहिके मउर संरक्षण मंजके अध्यक्ष राकेश राना बताइ हएँ । औ बे जहु कहि गायन, नृत्य, मोडलिङ्ग लगायत बिधामे औ भोटिङ्गसे जौन प्रतियोगि जितंगी बहि कार्यक्रके बिजेता घोषित होबैगो, औ जा कार्यक्रमके विजेतनके नगद रु. १ लाख औ पहिलो दुसरो रनर अप ४० हजार औ २० हजार सहीत गीफ्टह्याम्पर पामँगे कहिके आयोजक बताई हए ।

जहे पुस ५ गते शनिचरके राेज धनगढी स्थित ओमप्यालेस मे दिनके १२ बजे से मिस्टर एण्ड मिस रानाथारु कल्चर फेस आइडल शुरु होबैगो आयोजक बताइ हएँ औ भारत, खटिमासे कलाकार टिम , रानाथारु कलाकार लोगनको सहभागी होमंंगे आयोजक बताई हए । दर्शकनके असुबिधाके ध्यानमे धरतय अयोजक भिआइपि टिकट रु ५०० , सधारण टिकट रु ३०० औ विद्यार्थिनके ताँही रु २०० व्यवस्था करिहए टिकट पानबालो ठाउँ मउर संरक्ष मञ्ज कि अफिस धनगढीमे ।

विज्ञापन