निवा राना/धनगढी, १२ बैशाख । कैलालीकाे बसन्ता करिडोर अतिक्रमण करके बनाइ घर टहरा हटाइ हए।
कैलालीको कैलारी गाउँपालिका वडा नम्बर ५ अन्नरगत बसन्ता करिडोर अतिक्रमण करके बनाइ घर टहरा, व्यापार प्रयोजनके ताँही बनाइ दुकान खोका हटाइ हए। इतबारके सव डिभिजन वन कार्यालय बसन्ता कैलालीक घर टहरा हटानके ताँही सात दिनकाे सूचना जारी करि रहएँ।
बाे सूचना अनुसार पवेरा सामुदायिक सामुदायिक वन समूहको वन(अगर बुट्किहुवा ताल, पछर बन्दरगौरी गाउँ, सिरेमे लाल बालु भुस्किहुवा सामुदायिक वन उपभोक्ता समूह और दखिन्न मनकामना प्राथामिक विद्यालय) को चार किल्ला अतिक्रमण करके बनाइ घर टहरा औ बैजपुरको प्रतिक्षालय सिरे घेन्न कटनी नदियाक पुलको दखिन्न घेन्न औ हुलाकी सडकखण्डकाे किनारे किनारेमे व्यापार करनके प्रयोजन धारि दुकान और खोका हटानके बताइ हए ।
तुकाे समयमे घर टहरा नहटाइ स्थानीय प्रशासनको सहयोगमे अतिक्रमित क्षेत्र खाली कराइ सव डिविजन वन कार्यालय बसन्ताकाे प्रमुख श्याम सुन्दर माझी बताइ। संग संगए उनके हटान अटेर करि घर धनीक और व्यवसायी वन ऐन २०७६ बमोजिम कार्वाही समेत कर हए करके बताइ।
