पुनर्वास– कञ्चनपुरको पुनर्वासमा नुहाउने क्रममा एक बालकको मृत्यु भएको छ।
शनिबार दिउँसो दोदा नदीमा नुहाउन गएका पुनर्वास नगरपालिका-८ क-गाँउका गोपाल नेपालीका १४ वर्षीय छोरा रोहित नेपालीको मृत्यु भएको हो।
चार साथीहरूसँग नुहाउन गएका नेपाली नदीमै बेपत्ता भएपछि उनको स्थानीयहरूले खोजी गर्दा आईतबार बिहान साँढे १० बजे मृत शरीर फेला पारेको थियो।
जिल्ला प्रहरी कार्यालय कञ्चनपुरका अनुसार नदीमा मृत शरीर फेला परेपछि चेक जाँचका लागि पुनर्वास नगरपालिका-६ स्थित टाउन हस्पिटलमा पुर्याइएको थियो । तर डाक्टरले मृत्यु घोषणा गरेको हो।
गर्मीयाम सुरु भएसँगै साथीहरूसँगै नदीमा नुहाउन जाँदा अघिल्ला वर्षहरूमा पनि यस्तै घटनाहरू घट्दै आएका छन्
