कञ्चनपुरकी बेलडाँडी गाउपालिकामे रानाथारु सामुदायक दुसरो बडो तिउहार तिज के उपलक्ष्यमे बृहत तिज कार्यक्रम होनजबैया हए । “हमर संस्कृति हमर पहिचान, पहिचान बचाउ हमर अभियान” मुल नाराके साथ जन जाती युवा क्लबके आयोजनामे कार्यक्रम होन जाएरहो हए ।

कार्यक्रमके मुख्य अकर्षक सात गाउकी महिला दिदीवहिनीया , १८ भलमन्सा और गाउपालिका अध्यक्षसे लैके सबय वडा अध्यक्षको उपस्थितमे बृहत तिज कार्यक्रम होन जएरहोहए । कार्यक्रममे और रौनक लानताँही रानाथारुक राष्ट्रिय कलाकार अमर सिंह राना, रामदेव राना, सिता रानाकी तिज गितकी बेजोड प्रस्तुति फिर होबैगो कहिके बताइहए कार्यक्रम संयोजक सेहेन्द्र राना ।

औ बे कहि जाके संगय कार्यक्रममे बहुत गाउसे आइभइ दिदीवहिनियाँको सावनकी गित, झिँजीक गित लगायतकी प्रस्तुति होबैगो । जहे सावन १४ गते बेलडाँडी गाउपालिका वडा नं. २ चवन्नी बजारमे कार्यक्रम होबैगो कहिके जानकारी दईहएँ संयोजक राना ।