धनगढी,१ बैशाख २०७९ ।

नेपाल रानाथारू लेखक समाज कैलाली/कञ्चनपुरसे हाेरी निवन्ध प्रतियाेगितक विजेतनके दाेसल्ला अाैर प्रमाण पत्रसे सम्मान करिहएँ । संस्थक अध्यक्ष नन्दलाल रानाक अध्यक्षतामे एक कार्यक्रमके बिच प्रतियाेगिता बिजेता प्रतियाेगिनके सम्मान करीरहए ।

कार्यक्रममे प्रथममे रञ्जीत राना धनगढी ११ बेला गावसे, दृतिया अशोक राना धनगढी ७ देवहरिया गावसे और तृतिय राजकुमार राना बेदकाेट नगर पालिका ९ सुन्दरपुर गाउसे और सन्तोनामे धमेन्द्र राना धनगढी १६ घसिटा गावसे विजय भइरहएँ । कार्यक्रममे फगुनीके लेखक पदम राना, नाच गितके लेखक बम्भन राना, सदस्य लक्षबिर राना , सस्थक उपाध्यक्ष महाविर राना शुभकामना मनतव्य दइरहएँ ।

रानाथारु लेखक समाजसे होरी पर्वके अवसरमे फागुन १९ गते “होरी निवन्ध” प्रतियोगिताको आयोजना करीरहए । प्रतियोगिताको नतिजा चैत ५ गते घोषणा करनको कार्यसुचि अनुसार रानाथारु लेखक समाज विजेतनको नाम घोषणा करीहए ।

रानाथारु सामुदायकोे वडो तिउहार होरी पर्वके उपलक्ष्यमे लेखक समाज प्रतियोगिताकी आयोजना करीरहए । रानाथरु सामुदायकी होरी पर्व ३८ दिन तक मानत हए । अभयक युवामे पश्चिमा संस्कृतिको प्रभासे हमर पहिलेसे चलत आएरहो रितीरिवाज धिरे–धिरे हरात जाइरहिहएँ ।

तबहिक मारे जा तिउहारके उल्लासमय , भाइचराको सदभावको पर्वके रुपमे मनामय जा पर्वको महात्व युव पिढीमे और दुसरे सामुदायके आदमीके दर्शामय कहन उद्देश्यसे निवन्ध प्रतियोगिताको विधा धरोगओ रहए ।