नन्दलाल राना/काठमाडौं,२४ माघ ।

नेपाल सरकार स्थानीय तहको निर्वाचन ३० वैशाख २०७९ मे करनको निर्णय करिहए । मन्त्रिपरिषद्की आज बैठी बैठकसे स्थानीय निर्वाचनकी मिति तय भइहए कहिके एक मन्त्री जानकारी दइहए ।
निर्वाचन आयोग, निर्वाचन एकय चरणमे करन हए कहेसे १४ वैशाख और दुई चरणमे करन हए कहेसे १४ और २२ वैशाखके ताँहि मिति सिफारिस करि रहए । पर सत्तारुढ पाँच दलकी गठबन्धनसे जेठ महिनाभितर निर्वाचन करन कहि तओ आयोग ४ जेठ प्रस्ताव करिरहए ।
स्थानीय तह निर्वाचन ऐनकेअनुसार अभय कयम रहेभए स्थानीय जनप्रतिनिधिको कार्यकाल ५ जेठ २०७९ मे निभटरहो हए । और संविधानमे स्थानीय तह जनप्रतिनिधि विनाको कल्पना तक नकरीहए ।
४ जेठमे चुनाव करनसे कुछ दिन स्थानीय तह जनप्रतिनिधिविहीन रहनको अवस्था आतहए तहिक मारे सरकार नयाँ मिति प्रस्ताव करिहए । स्रोतके अनुसार सुम्बारके दिन सरकार निर्वाचन आयोगके पदाधिकारीन सँग बैठकके नयाँ मितिकबारेम छलफल करिरहए ।