सम्माननीय प्रधानमन्त्री वालेन्द्र शाह संयुक्त राष्ट्रङ्घकि ८१ औँ महासभामे सहभागी होन नेपाली प्रतिनिधिमण्डलकी नेतृत्व करतए आज त्रिभुवन अन्तर्राट्रिय विमानस्थलसे १९:०० बजे कतार दोहा होतए अमेरिकाकी न्युयोर्कतर्फ प्रस्थान करी हएँ ।
बीनके कतारकी दोहास्थित हमाद अन्तर्राष्ट्रिय विमानस्थलमे कतारकी ताहीँ नेपालके कार्यवाहक राजदूत और वरिष्ठ अधिकारी स्वागत करइया हएँ ।
प्रधानमन्त्री दोहासे असोज ७ गते (२३ सेप्टेम्बर) बुधबार न्युयोर्क घेन प्रस्थान करइया हएँ । बीनके न्युयोर्कमे जोन एफ केनेडी अन्तर्राष्ट्रिय विमानस्थलमे संयुक्त राष्ट्रसङघके ताहीँ नेपालकी स्थायी प्रतिनिधि, अमेरिकाकी ताहीँ नेपालके कार्यवाहक राजदूतलगायतके अधिकारी स्वागत करइया हएँ । बहे दिन सम्माननीय प्रधानमन्त्री शाह संयुक्त राष्ट्रसङ्घकी ताहीँ नेपालके स्थायी नियोगमे पुगइया हएँ । हुना बीनके भ्रमणके विषयमे परराष्ट्र सचिव, संयुक्त राष्ट्रसङ्घके ताहीँ नेपालकी स्थायी प्रतिनिधि, अमेरिकाके ताहीँ नेपालके कार्यवाहक राजदूत और न्यूयोर्कस्थित नेपालकी महावाणिज्यदूत क्रमशः ब्रिफिङ करइया हएँ । बाकेबाद तुरुन्तए प्रधानमन्त्री शाह बीनके सम्मानमे नेपालके ताहीँ स्थायी प्रतिनिधि आयोजना करनको समारोहमे सरिक होनिया कार्यक्रम हए ।
असोज ८ गते (२४ सेप्टेम्बर) सम्माननीय प्रधानमन्त्रीज और संयुक्त राष्ट्रसङ्के महासचिव एन्टोनियो गुटेरेसबीच भेटवार्ता हुइहए । बाकेपिछ्छु प्रधानमन्त्री संयुक्त राष्ट्रसङ्घके महासभाके नेपालकी तर्फसे सम्बोधन करइया हएँ । प्रधानमन्त्री असोज ९ गते (२५ सेप्टेम्बर) न्युयार्कसे दोहा प्रस्थान हुइहएँ । प्रधानमन्त्रीके दोहास्थित हमाद अन्तर्राष्ट्रिय विमानस्थलमे कतारकी ताहीँ नेपालके र्कायवाहक राजदूत और वरिष्ठ अधिकारी स्वागत तथा बिदाई करइया हएँ । प्रधानमन्त्री जहे असोज १० गते (२६ सेप्टेम्बर) काठमाडौंस्थित त्रिभुवन अन्तर्राष्ट्रिय विमानस्थलमे आनिया तालिका हए ।
