शुक्रराज राना/बेलौरी: कञ्चनपुरमा एक बालक हातखुट्टा बाधिएको अवस्थामा भेटिएका छन् । जिल्लाको बेलौरी नगरपालिका–७ सिहपुरस्थित उखुबारीमा १४ महिनाको नाबालक हातखुट्टा बाधिएको अवस्थामा भेटिएका हुन् ।

दुबै हात बाधेको अवस्थामा बालक भेटिएको बेलौरी नगरपालिका–६ का स्थानीय सुरेशकुमार बडायकले बताए ।

‘सडक छेउकै उखुबारीमा ती बालक भेटिएका थिए, बालकका हात बाधिएका थिए, उनलाई खेलौना दिइएको थियो,’ उनले भने, ‘बालक रोईरहेको थियो, बालकलाई उद्दार गरि प्रहरीको जिम्मा लगाएको छौं।’
बालकको श्रीपुर स्वास्थ्य चौकीमा उपचार भइरहेको छ। बालकको अभिभावकको खोजी भइरहेको प्रहरीले जनाएको छ।