धनगढी,२ जेठ ।
रानाथारु सामुदायमे कल चराँई पर्व हए । रानाथारुक चाड पर्व खासकरके उजियारीक पहिलो सुम्मार या विस्पतके रोज जा पर्व मनात हएँ कहेसे जा बर्षको चराई पर्व कल सुम्मारके रोज पडोहएँ ।

नेपाल रानाथारु समाजके अध्यक्ष तथा संविधान सभासदस्य कृपाराम राना कहिहएँ “कोविड १९ के कारणसे देशमे अक्रान्त भओबेरामे एक ठाउमे जमा हुइके चाडपर्व मनान आवस्था नहए तहिक मारे मिर काहाइहए सुरक्षक मापदण्डके साथ चाडपर्व मनान , साँपौ मरजाबैए और लट्ठीयौ न टुटाए कहानको मतलब हए तहिक मारे मिर सबय रानाथारु ददाभइया और दिदीबहिनीयनमे अनुरोध करीहएँ ज्यान हए त जेहान हए ” कहि और चराँई पर्वको शुभकामना दइरहएँ ।

ऐसीकरके रानाथारु उत्थान मञ्चके अध्यक्ष धोखे राना धनगढी उपमहानगर पालिका वडा नंं. ७ के भलमन्सा जगन्नाथ राना, पुनर्वास नगर पालिका वडा नं. ७ के भलमन्सा नारु राना , गौटेहरा भर्रा सगराम रानाक बातअनुासर चाकर ( चौकिदार) प्रसादके रुपमे सबयक घर–घरसे भात उठाएके भलमन्सा,चाकर , गौटेहरा भर्रा , पधना और गाउके २,४ जनी मिलके पुजापाठ करके चराँई पर्व मनाङ्गे कहिके जानकरी दइहएँ ।