सम्पुर्ण जनमानसमा रानाथारु डटकमको तर्फबाट विजय दशमी तथा शुभ दिपावलीको हार्दिक मंगलमय शुभकामना ।

Online “कबिता” और “चित्रकला” प्रतियोगिता २०७६/७७ समापन तथा हार्दिक धन्यवाद बधाई तथा शुभकामना

Online “कबिता” और “चित्रकला” प्रतियोगिता २०७६/७७ समापन तथा हार्दिक धन्यवाद बधाई तथा शुभकामना

कमल सिंह राना

काठमाण्डाैँ , १७ बैशाख ।

कोरोना महामारीसे लडन और घरे बैठे बैठे अपन संस्कृति पहिचान, संरक्षण सम्बर्धन और अपनो कला और प्रतिभाके मौलिकताके सङ्ग उजागर करन उद्देश्यके साथ एवम् “रानाथारु कलाके धनी” मुल नाराके साथ खेलकि माध्यमसे राना थारुकि पहिचान करात आन बालो चिर परिचित संस्था

‘रानाथारु आदर्श युवा क्लव’, मिडियाकि माध्यमसे रानाथारु कला, संस्कृति, भाषा उजागर करात आन बालो संस्था ranatharu.com, रानाथारुकि संस्कृति, रितिरिवाजके फेसबुक पेजकि माध्यमसे रानाथारुके चिनात आन बालो ‘Rana Culture in Kanchanpur&Kailali’ Facebook Page कि संयुक्त आयोजनामे प्रथम रानाथारु Online “कबिता” और “चित्रकला” प्रतियोगिता-२०७६/७७ संचालन भओ रहए ।

सर्ब प्रथम जामे देश विदेश (भारत, मलेसिया, साउदी अरेबिया, दुवइ, साउथ कोरिया, कतार) से विभिन्न पेशामे संलग्न रचनाकारनकि सहभागिताके ताही सबएके धन्यवाद, बधाई और शुभकामना देन चाँहत हएँ । जा प्रतियोगितामे भए बिजेता और उत्कृष्ट दसके हार्दिक बधाई देत हएँ ।

जा कार्यक्रमको महत्व, सान्दर्भिकता और उत्साहमे प्रकाश डारके सफलताको शुभकामना देन बाले मित्र राष्ट्र भारत लगायत नेपाल के सबए शुभेच्छुक आदरणीय व्यक्तित्वनके हार्दिक धन्यवाद देत हएँ । अइसी हमर अनुरोध स्वीकार करके अनलाइन मार्फत जा कार्यक्रमको प्रमुख अतिथिको भूमिका निर्बाह करके सबएमे उत्साह भरदेन और कार्यक्रमको शोभा बढाए देनके ताही ,,

प्रतिनिधिसभा सदस्य माननीय नारदमुनी राना ज्यू सहित कार्यक्रमके विशिष्ट अतिथि नेपाल रानाथारु समाजके केन्द्रिय अध्यक्ष तथा संबिधान सभा सदस्य माननीय कृपा राम रानाज्यूके विशेष धन्यवाद प्रकट करत हएँ । अइसी कार्यक्रमके पूर्ण सफल बनानके ताही मिहिनेतके साथ खटे हमर सबए टिम सदस्यनके हार्दिक आभार सहित धन्यवाद व्यक्त करत हएँ ।

आयोजक संस्थनके अध्यक्ष नन्द लाल राना, श्याम लाल राना, प्रमिला रानाज्यूनको अपार दुरदर्शिता, भाषा, संस्कृति, कला प्रतिको प्रेमको कदर करतए आनिया दिनमे फिर अइसी सहकार्य सहयोगकि अपेक्षा सहित सबएके हार्दिक धन्यवाद शुभकामना करतए जा कार्यक्रमको समापनको घोषणा करत हएँ ।

राम!! राम!! कार्यक्रम संयोजक