दिनेश राना , धनगढी ।
धनगढी उपमहानगर पालिका वडा नं. ७ वेली गांवमे सामनको डोला उदघाटन भओ हए । डोला उद्घाटन कार्यक्रम धनगढी उपमहानगर पालिकाकी उपप्रमुख कन्दकला राना प्रमुख अतिथी रहए । धनगढी महानगरपालिका महिला,पच्छु पडे सामुदायके ताँहि स्वारोजगार मुलक कार्यक्रम लाईहए । रानाथारु महिलनके ताँहि घँघरिया, आँगिया सिलनकी तालिम, महिलनके गाडि सिकन तालिम लगायत कुलतमे फसे युवनके विजी बनान ताँहि तालिम कार्यक्रम लाईहए ।

अब रहिबात सुचनाको हक धनगढी महानगर पालिका इत्नो बढीया कार्यक्रम लाई पर तुम पतयनापाए या तुमहरमे जानकारी नभई तओ समस्या आइसकतहए । काहेकी जौनके ताँहि कार्यक्रम आओ बेहि आदमी ध्यान नदेनसे कार्यक्रमको उद्देश्यपुरो नहोबैगो बताइहए उपप्रमुख राना, और कहिकी आनबारो भादौ २ गते रानाथारुको तिज पर्व भब्य और सभ्यसे मनान सबय दिदीवहिनियाँ अपन ददाभइया भतिजोक लम्बि उमर की भगवानसे प्रथाना करन अनुरोध करिहए ।

कार्यक्रमके विशिष्ट अतिथी धनगढी उपमहानगर पालिका वडा नं. ७ के वडा अध्यक्ष मोति रानाथारु रहएँ । धनगढी उपमहा नगर पालिका भितर दृई संग्रहलय हए पटेला गांवमे थारु संग्रहलय और राजपुर गांवमे रानाथारु संग्रहलाय बनेहए जा वर्ष उपप्रमुखके पहलमे दुनो संग्रहलयमे वजेट विनियोजन भओ हए कहिके जानकारी दइहए और कहि धनगढी ७ वेलीमे नदि कटानको बहुत बडो समस्या हए । मय संघिय सरकारमे पहल करोहौ बताई राना ।
अइसी करके कार्यक्रममे वडा न.. ७ के वडा सदस्य विक्रम खाती, बेली समुदायिक वन उपभोक्ता समुहके अध्यक्ष , गांवके अगुवा रामऔतार राना लगायत तिज पर्वको शुभकामना दइरहएँ ।
कार्यक्रममे दिदिबहिनिया सामनको डोलक गित गाईके मनोरञ्जन करिरहएँ ।