रानाथारू भाषाको पहिलो वेवसाइट
रानाथारू भाषाको पहिलो वेवसाइट
रानाथारू खबर,
धनगढी , ५ पुस २०७६ । मिस्टर एण्ड मिस रानाथारु कल्चरल फेस आइडलके winner “योगेनद्र राना औ धनकुमारी राना” भइहएँ ।
शनिचरके रोज सुदुरपश्चिम प्रदेशके भौतिक योजना मन्त्रि पठान सिंह बोहरा कार्यक्रमके समापन करिरहएँ । समापन कार्यक्रममे मसकत माननिय मन्त्रि कहि अपन संस्कृतिकके बचान , उजागर करन उद्देश्य लैके संचालन भौ प्रतियोगिताको पुर्ण सफलताको शुभकामना देतहौ कहि औ ऐसी तमान प्रतिभानके संरक्षण तथ सम्बद्घन करन ताँहि प्रदेश सरकार , नेपाल सरकार औ स्थानिय सरकार का करनसे होबैगो कानुन बनाएके होबैगो कि नितिनियम बनाएके होबैगो जाके ताँहि प्रदेश सरकार तयार हए बताइ मन्त्रि बोहरा । बे जहु कहि कि आनियाँ दिनमे फिर जाके अग्गु बढाइके लैजानपडो कहिके शुभेच्छ प्रकटकरिहएँ मन्त्रि बोहरा ।
टप १० प्रतियोगि धनकुमारी राना , रोसनी राना , सुमित्रा राना, पारबती राना , प्रमिला राना ,योगेनद्र राना , निम राना , नन्दगोपाल राना ,अमर सिह राना , अविनास राना रहएँ । इन मैसे पहिलो मिस्टर एण्ड मिस रानाथारु कल्चरल फेस आइडल –२०७६ के winner के रुपमे “योगेनद्र राना औ धनकुमारी राना” भइहएँ । ऐसीकरके 1st Runner up winner “अमर सिंह राना औ पारबती राना” भइ कहेसे 2nd Runner up winner “ अविनास राना औ प्रमिला राना” भइरहएँ । winner , 1st , 2nd Runner up winner प्रतियोगिके क्रमशः १ लाख , ४० हजार औ २० हजार नगद औ प्रमाण दइके सम्मान करिरहएँ ।
मिस्टर एण्ड मिस रानाथारु कल्चरल फेस आइडल नेपाल रानाथारु समाज औ मउर संरक्षण मञ्चके संयुक्त अयोजनामे भओरहए । आइडल कार्यक्रम मउर संरक्ष मञ्चके अध्यक्ष राकेश राना के अध्यक्षतामे भओ कहेसे समापन लगायत प्रमाण पत्र वितरण नेपाल रानाथारु समाजके अध्यक्ष कृपाराम रानाके अध्यक्षतामे भाै कार्यक्रममे दएगअाेरहए ।
प्रतियोगिताके निर्णायकमण्डलमे जीवन रेग्मी , गोविन्द मुखिया , गोविन्द राज राना, राजकुमार राना, भुलिया राना, शिवराज राना औ नारायन राना रहएँ । आइडल सिखानमे रितु गुरुङ्ग औ दिपेश चौधरी सहयोग करिरहएँ ।
