अलग जातमे सुचिकृतसे खुशि , स्वागत करत रानाथारु समुदाय

अलग जातमे सुचिकृतसे खुशि , स्वागत करत रानाथारु समुदाय

कञ्चनपुर , २९ माघ २०७६ ।
कञ्चनपुर , बेदकोट नगर पालिकामे नगर स्तरिय स्वागत , बधाइ तथा धन्पयबाद कार्यक्रम भओ । माघ २० गते बैठी मन्त्रिपरिषदकी बैठकसे माघ २३ गते रानाथारु समुदायके आदिबासी जनजातीमे सुचिकृतको निर्णयसे समग्र रानाथरु समुदाय नेपाल सरकारको उक्त निर्णयके उच्च सम्मानके साथ हार्दिक स्वागत तथ बधाइ दइहएँ । स्वागत तथा बधाइ कार्यक्रमके प्रमुख पहुना माननिय नारदमुनि राना रहएँ । सांसद राना कही दुई दशको संघर्षको फल अब आइके मिलो बताइ ।

bedkot napa-1


कार्यक्रमके विश्ष्टि पहुना नेपाल रानाथारु समाजके केन्द्रिय अध्यक्ष कृपाराम राना औ बेदकोट नगर पालिका प्रमुख अशोक कुमार चन्द रहएँ ।स्थानिय तहमे रानाथारुको हकहितके ताँही बेदकोट नगर पालिका पहिलेसे फिर सहयोग करत आओ हए औ आनियँ दिनमे फिर सहयोग करनको प्रतिबधता व्यक्त करिहएँ । कार्यक्रम संस्थाके नगर स्तरिय अध्यक्ष भजन सिंह रानाके सभापतित्वमे निभटो कहेसे नेपाल रानाथारु समाज बेदकोट नगर पालिकाके नगर स्तरिया गाँव कमिटी कि आयोजनामे भओ रहए । कार्यक्रममे स्वागत शुभकामना देनबाले पहुना बेदकोट नगर पालिका कि उपमेयर शुशिला सिंह , सबय वडाके वडा अध्यक्ष , कञ्चनपुर समुन्य समिती सदस्य लक्षमण राना, नेपाल रानाथारु समाजके केन्द्रिय उपाध्यक्ष कमल सिह राना , कोषाध्यक्ष कन्दकला राना , झेली राना , लगायतको उपस्थिती रहए । कार्यक्रम शिक्षक राजकुमार राना संचालन करिरहए औ कार्यक्रममे गाँवसे झाँकी फिर दिखाइ रहएँ ।

सेयर कर दियो ।

विज्ञापन