बेला होमस्टे मेला भव्यरुपसे निभटो

बेला होमस्टे मेला भव्यरुपसे निभटो

धनगढी,१६ फागुन ।

बेला होमस्टे मेला भव्यरुपसे निभटो हए । राना कला एवं संस्कृति संरक्षण समाजके आयोजनामे संचालन भाै हाेमस्टे मेला भव्यरूपसे निभटाे हए ।

धनगढी उपमहानगर पालिकाके नगर प्रमुख नृप बहादुर वड सनिचरके राेज एक कार्यक्रमके विच बेला होमस्टे मेलाको २०७७ के समुउदघाटन करिहएँ ।मेला उदघाटन समारोहमे सम्बोधन करत कहि शिक्षामे सबयक पहुच होन जरुरी हए । सुन्दर समाजको निर्माण और देश विकास करनमे शिक्षाको आवश्यक्ता हए ।

हमर देशमे समुदायिक विद्यालयके विद्यार्थिन उपर राज्य बहुत रुपैया खर्च करत हए बताइ नगर प्रमुख वड । समुदायिक विद्यालयमे या प्रइभेटमे शिक्षा हाँसिल करके विद्यार्थि समाजमे स्थापित होत हए । हमर ठिन बहुतसी कृषि योग्य जमिन हए जामे लगानी करनसे देश विकास करनसिकंगे ।

जा के ताँहि धनगढी उपमहानगर पालिका अपन स्थानिय तहमे सात विद्यालयमे प्रविधि शिक्षा संचालन करत आएरहो हए । जौन शिक्षा लेन तँहि प्राइभेटमे ६,७ लाख लागत हए कहेसे हम समुदायिक विद्यालयमे ३ वर्षे कोर्स पढनमे १से २ लाख रुपैया लागत हए कहिके बताइ हए ।


कार्यक्रमके विशिष्ट अतिथी धनगढी उपमहानगर पालिका ११ के वडा अध्यक्ष गंगाराम राना रहए । बे कहि हरेक जातको भाषा संस्कृति संरक्षणके ताँहि वडाकार्यालय प्रत्येक वर्ष रकम विनियोजन करतहए बताई र जा बेला होमस्टे मेलाके ताँहि फिर हमर वडा से रकम विनियोजन भओ हए । कार्यक्रममे विभिन्न गाउके भलमन्सा लगायत गाउके बुद्घिजिवि होमस्टे मेलाको सफलताको शुभकामना दैहएँ ।
होरीपर्वको अवसरमे लोप होतजाएरहो रानाथारुहरुको भाषासंस्कृति संरक्षणके उद्देश्य लैके , होरी वर्पर्क पर्यटनप्रवद्घन करन ताँहि जा बेला होमस्टे मेला हरेक बर्षक फागुन १५,१६ औ १७ गते तिन दिन तक संचालन होतआएर रहो रहए पर जा बर्ष हम एक दिन इकल्लो संचालन करन पाए जा एक दिन करन ताँहि फिर प्रशासन अनुमति नादेतरहए बताइ अध्यक्ष महाविर राना ।बे कहि जा साल एक दिन संचालन करनके फिर होमस्टे मेला होरी पर्वको निरन्तरताको फलस्वारुप हए कहिके बताइ अध्यक्ष राना ।


जा मेलामे रानाथारु झिंझि नाच, हन्ना नाच ,थारु सखिया नाँच, लोकदोहरी नाँच लगायत बहुत गाउकि होरी औ विद्यालयके विद्यार्थि प्रस्तुती दिखाइरहए । मेलामे रानाथारु परिकार खानाको व्यवस्था रहए । मेला अबलोकन कर्तानके ताँहि रानाथारु घर, रानाथारुनको संस्कृतिम प्रयोग होनबाले सरसमानके अबलोकन कराइरहए । मेलामे अपन प्रस्तुति दिखान ताँहि बहुत दुरदुरसे कलाकार लोग अएरहए ।
कार्यक्रममे पहुननके स्वागत संस्थाके सचिब विजय राना करी कहेसे कार्यक्रमके संचालन पुरन राना औ काली राना करिरहएँ ।

सेयर कर दियो ।

विज्ञापन