नेपालमे इन्टरनेट बिगडाटा सिस्टम लागुकरन,सांसद राना

नेपालमे इन्टरनेट बिगडाटा सिस्टम लागुकरन,सांसद राना

धनगढी,१० कातिक ।

नेपालमे इन्टरनेट बिगडाटा सिस्टम लागुकरन ताँहि हए नेपाल सरकार माननिय नारदमुनि राना कहिहएँ । आज सबेरे विप्लस मिडिया एण्ड इन्टरटेनमेन्ट प्रा.लि.क उदघाटन समरोहमे मस्कनपेति कहिरएँ । मननिय राना कार्यक्रमके प्रमुख पहुना रहएँ ।,

“नेपालममे विगडाटा प्रयोगसे इमार्ट लालपुर्जा , स्मार्ट नक्सासे लइके तमानमेलके कार्यक्रम लानके सोचरहो हए नेपाल सरकार , इन्टरनेट बिगडाटाके ताँहि जापनिज कम्पनि KDTI से सम्झौतकि बात चलरहहि हए ऐसीकरके सिगापुरकि सिंगटेल कम्पनिसे फिर बात हुइरहिहए बताइ राना । औ हिन्दुनको महान निउहार दशै दिवारी औ छट पर्वको सबय देशवासी , नगरबासीनके शुभकामना फिर दइरहएँ माननिय राना ।”,


“ऐसीकरके कार्यक्रमके विशिष्ट पहुना धनगढी उपमहानगर पालिका वडा नं. ७ के वडा अध्यक्ष सिताराम राना रहएँ । रानाथारु सामुदाय मिडियासे दुर रहएँ औ हमर लोपनउन्मुख अवस्थामे रहे माग मुद्दा उजागर नहुइपाइ हएँ , और कहि मिडिया सत्यतथ्य बात जनतामे लाइदेनके अनुरोध करिरहएँ ।”,
उदघाटनसमारोहमे देवहरिया सामुदायिक वन उपभोक्ता समुहके अध्यक्ष भजन राना,फिल्मिदुनियाँके डाइरेक्टर राजकुमार श्रेष्ट,निर्माता कमल बम लगायतको उपस्थिती रहए । कार्यक्रम संस्थाके अध्यक्ष भानुप्रताप रानाके अध्यक्षतामे भओ रहए कहेसे शुभकामना संस्थाके संचालन नारायण राना करिरहएँ औ कार्यक्रमको संचालन दुसरे संचालक भक्तराज राना करिरहएँ ।

सेयर कर दियो ।

विज्ञापन