काठमाडाैँमे अलपत्र पडे मजदुर औ विद्यार्थीनके धनगढी पठाइ

काठमाडाैँमे अलपत्र पडे मजदुर औ विद्यार्थीनके धनगढी पठाइ

धनगढी ,१३ बैशाख । काठमाडौँमे अलपत्र पडे तीन सयसे जद्धिनके धनगढी पठाइहएँ । यातायात प्राली, धनगढी उप–महानगरपालिका औ कैलाली निर्वाचन क्षेत्र नम्वर ५ के प्रतिनिधि सभा सदस्य नारदमुनी रानाक समन्वयमे काठमाडौँमे समस्यामे पडे मजदुर औ विद्यार्थीनके धनगढी पठाइ हएँ ।

धनगढीसे तीन बस आइरहएँ अपुग होनसे तीन औ थप बसको व्यवस्थापन करके तीन सयसे जद्धि आदमिनके धनगढी पठाए कहिके प्रतिनिधि सभा सदस्य नारदमुनी रानाके स्वकिय सचिव कमलसिंह राना बताइ।
बे कहि धनगढीसे काठमाडौँ तक पुगन लागनबारो इन्धन खर्च उपमहानगरपालिका व्यहोरैया हए कहेसे घुमनपेति सम्बन्धीत यात्रु अपनय भाडा तिरीहए । कल फिरके थप तीन बस पठानके तयारी हुइरहि हए कहिके जानकारी दइ ।

सरकारसे भओ लकडाउन पच्छु काठमाडौँमे समस्यामे पडे विद्यार्थी और मजदुरनके लान ताँहि सुदूरपश्चिमके बहुतसे स्थानीय तह, सासंद औ यातायात प्राली समन्वय हुइरहो हए ।

सेयर कर दियो ।

विज्ञापन