जुनेली महिला कृषि सहकारी संस्थाको पाँचौँ बार्षिक साधारण सभा निभटो ।

जुनेली महिला कृषि सहकारी संस्थाको पाँचौँ बार्षिक साधारण सभा निभटो ।

नरेश राना/ लालझाडी २७ अगहन ।

कञ्चपुरमे लालझाडी गाउपालिका -२ स्थितजुनेली महिला कृषि सहकारी संस्थाको पाँचौँ बार्षिक साधारण सभा निभटो ।
सनिचरके रोज एक कार्यक्रमके विच संस्थाके अध्यक्ष संजिता रानाके सभापतित्वमे भओ कार्यक्रमके प्रमुख पहुना सुदुरपश्चिम प्रदेश नेकपाके प्रमुख सचेतक तारालामा तमाङ रहए । कार्यक्रमके सम्बोधन करत सचेतक तमाङ कहि “प्रदेशके आर्थिक सम्वृद्धि कृषि सहकारी मार्फत होबैगो बताइरहएँ । सहकारी संस्थाके पस्टान ताँहि विजनेस प्लान बनाएके अग्गु बढन सुझाब सुझाइ रहए । औ कहि सहकारी संस्था अपन ताँहि जमिन ढुडन पडो आनबालो साल सहकारी संस्थाको भवन बनान जिम्मा मेर हए बताइ सचेतक तामङ ।”


कार्यक्रमके विश्ष्टि पहुना लालझाडी गाउपालिकाके अध्यक्ष मदनसेन बडायक रहए । बे कहि गाउपालिकाको प्रशासनिक भवन निर्माणके ताँहि जमिन ढुडनके अनुरोध करीरहए औ भवन निर्माणके ताँहि मिर तर्फसे होनिया सहयोग होबैगो बताइ । मय अपन बोलो बाचा अनुसार काम करतआएरहो हौ जहे क्रममे खर्रा नालामे पक्की पुल बनामंगो कहिके बचाकरो रहौ अभय पुल बनरहि हए । सब मिलके मानबीय ,सामाजिक औ भौतिक विकास करनमे जोड दइरहएँ गा.पा.अध्यक्ष बडायक ।


ऐसीकरके लालझाडी गाउपालिका -२ के वडा अध्यक्ष हेमराज राना कहि “संस्थाके जग्गा खरिदके भवन बनान और दोदानदी तटबन्धके ताँहि पहल करदेनके ताँहि माननियसे अनुरोध करिहएँ ।”
कार्यक्रममे नेकपाके गाउकमिटी सचिब निर्मल राना लगायत शेयर सदस्य साधारण सभाको शुभकामना व्यक्त कररिहएँ । संस्थाके कोषाध्यक्ष सुस्मा राना आर्थिक बर्ष २०७६।०७७को रु १५ लाख बराको आयव्याय भओ कहिके जानकारी दइहएँ । कार्यक्रमके संचालन सदस्य सरस्वती राना करिरहएँ ।

सेयर कर दियो ।

विज्ञापन